Мексика шимолидаги Сюдад-Хуарес шаҳрида мигрантлар вақтинчалик ушлаб туриладиган марказда рўй берган ёнғин оқибатида ҳалок бўлган мигрантлар сони 40 кишига етди. Хабарда таъкидланишича, ёнғинни мигрантларнинг ўзлари норозилик белгиси сифатида келтириб чиқарган.
Аввалроқ Мексиканинг INM миграция миллий институти ёнғин оқибатида 39 киши ҳалок бўлгани, 28 киши жароҳат олгани ҳақида маълум қилган эди.
“40 нафар хорижлик мигрантлар қурбон бўлди, 28 киши жароҳат олди. Бундан ташқари, 15 нафар вояга етмаган хорижликларга ёрдам кўрсатилмоқда. Улар ёнғин рўй берган пайтда мигрантлар яшаётган жойдан олиб чиқилган”, — дейилади INM сайтида берилган хабарда.
Эслатиб ўтамиз, ёнғин куни кеча АҚШ чегарасидан ноқонуний ўтишга уринган мигрантлар сақланаётган марказда рўй берган. Мексика Президенти Лопес Обрадорнинг айтишича, мигрантлар ватанларига депортация қилинишига қарши норозилик белгиси сифатида кўрпа-тўшагига ўт қўйган.