Ўйинда бразилиялик ҳакам Перу терма жамоаси фойдасига бир қатор ноаниқ қарорлар қабул қилган. Учрашувдан сўнг Месси Сампаёга шундай мурожаат қилган: “Бу ҳакам бизнинг ўйинларимизда қасддан шунақа қарорлар қабул қилаётганга ўхшайди”.
Таъкидлаш жоизки, аргентиналик футболчилар бразилиялик Сампаёнинг ўз жамоасига бўлган хайрихоҳлиги ҳақида бир неча бор шикоят қилган. Бундан ташқари, Америка Кубоги – 2021 доирасида Эквадор термаси билан чорак финал учрашуви 3:0 ҳисобида Аргентина термаси фойдасига ҳал бўлганига қарамай, ҳакам бир қатор баҳсли қарорлар қабул қилган.
Эслатиб ўтамиз, Аргентина – Перу учрашувида аргентиналиклар 1:0 ҳисобида устун келди.
Аввалроқ, “ПСЖ” Мессининг маоши ҳақидаги миш-мишларни рад этгани ва Месси ва Франция президенти Мбаппени Парижда қолишини истаётгани ҳақида хабар берилганди.
Жамшидбек Амиров