Мажбурий ижро бюроси маълумотига кўра, Н.Т. исмли шахс ўз уйини сотиш учун А.Т. билан келишган ва ундан тўловнинг бир қисмини олган. Аммо орадан кўп ўтмай, уйга яна бир “харидор” топилиб, Н.Т. иккинчи шахсдан ҳам пул олгани маълум бўлган.
Ҳолат юзасидан фирибгарлик бўйича жиноят иши қўзғатилган. Суд қарори билан Н.Т.га нисбатан жаза тайинланиб, А.Т. фойдасига 70 миллион сўм миқдоридаги моддий зарар ундирилиши белгиланган.