Айни кунларда юртимизда пахта йиғим-терим ишлари бошланган. Ҳудудларда заминимизда етиштирилган «Оқ олтин»ни ўз вақтида нес-нобуд қилмасдан, қўл меҳнати ва терим машиналари ёрдамида териб олиш чоралари кўрилмоқда.
Жумладан, Денов тумани ҳокимлиги ахборот хизматининг маълум қилишича, тумандаги «Бахромов Фарход» фермер хўжалигининг пахта далаларида, айни пайтда, пахта теримчиларнинг иши қизғин. Мисол учун, туманда яшовчи Момогул Маматқулова 60 ёшда бўлишига қарамасдан, жорий мавсумда кунига 200 килограмм пахта термоқда. Бу дегани — Момогул Маматқулова бир кунда 400 минг сўм оиласига қўшимча даромад олиб келмоқда.