Владимир Путин Минскка ташрифи чоғида Россия билан Беларуснинг ҳарбий техника соҳасидаги ҳамкорлиги қўшма машғулотларга ҳам тегишли эканини айтиб ўтди.
Кремль раҳбарининг маълум қилишича, Россия ва Беларус ўртасидаги товар айланмаси жорий йилнинг 10 ойи давомида 10 фоизга ўсган ва катта эҳтимол билан янги рекорд – 40 миллиард доллар бўлади.
“Товар айирбошлашимиз 2021 йилда, махсус ҳарбий операциядан олдин ҳам учдан бирига ўсди ва 38,5 миллиард долларга етди. Бу жуда яхши ва муҳим кўрсаткич. Катта эҳтимол билан биз 40 миллиард долларлик товар айирбошлаш чегарасига эришамиз”,— деди Путин Лукашенко билан музокарада.
Россия раҳбари, шунингдек, икки давлат ўртасида “коинот соҳасида ҳам тегишли режалари борлиги”ни билдириб ўтган.
Эслатиб ўтамиз, аввалроқ томонлар беларуслик космонавтни тайёрлаш ҳақида маълум қилганди.
