Португалиялик мутахассис Жозе Моуриньо мураббийликка қайтади. У Туркиянинг "Фенербахче" клуби бош мураббийи лавозимига тайинланади. Бу ҳақда таниқли италиялик журналист Жанлука Ди Марсио маълумот берди.
Манбага кўра, Моуриньо туркияликлар билан икки йиллик шартнома имзолайди. Хулоса бир кун ичида расман эълон қилиниши мумкин.
Эслатиб ўтамиз, айни дамда португалиялик мутахассис ишсиз. Унинг сўнгги иш жойи Римнинг "Рома" клуби бўлиб, жамоани 2021 йилдан 2024 йилнинг январигача бошқарган.
Аввалроқ, ОАВда 61 ёшли мутахассис "Манчестер Юнайтед"га қайтишга қизиқаётгани ҳақида хабарлар пайдо бўлганди.