NASA АҚШнинг “Artemis” дастури доирасида 2025 йилда астронавтлар қўниши учун Ойнинг жанубий қутбида 13 та ҳудуд рўйхатини эълон қилди.
Маълумотларга кўра, ҳар бир танланган ҳудуд тахминан 15х15 км майдонга эга. Улар Ойнинг жанубий қутбидан олти даража кенгликда жойлашган ва турли геологик хусусиятларга эга.
Қўниш жойларини танлаш учун NASA олимлари ва муҳандислари гуруҳи Жанубий қутб ҳақидаги маълумотларни ва ўнлаб йиллар давомида тўпланган илмий нашрларни таҳлил қилди. Шунингдек, жойларни танлашда хавфсиз қўниш учун зарур бўлган мезонлар ҳисобга олинди.