Илон Маск АҚШ президенти Доналд Трамп билан яқин ҳамкорлик қилгани сабабли кўплаб молиявий йўқотишларга учраган эди. Аммо бу йўқотишлар ўзини оқлаши мумкин – Трампнинг янги маъмурияти таниқли тадбиркорни миллиардлаб долларлик давлат контрактлари билан тақдирлашга тайёр.
Маълумотларга кўра, SpaceX аллақачон АҚШ ҳукумати билан 22 миллиард долларлик шартномаларга эга. Бошқа хабарларда эса Маскнинг компаниялари давлатдан 38 миллиард долларлик субсидия, кредит ва солиқ имтиёзлари олганини таъкидлайди.
Пентагон SpaceX ракеталаридан бутун дунё бўйлаб ҳарбий юкларни тез етказиб бериш воситаси сифатида фойдаланмоқчи.
Трамп маъмурияти Старлинк сунъий йўлдош интернети орқали кенг полосали интернетни кенгайтиришни режалаштирмоқда. Маълумотларга кўра, бу контрактнинг қиймати 45 миллиард доллар бўлиши мумкин. Шунингдек, АҚШ Савдо вазирлиги ушбу лойиҳани қишлоқ ҳудудларини ривожлантириш дастурига киритмоқчи.
SpaceX Пентагонга янги ракета учириш майдончаларини қуриш ва ҳарбий базалардан учиш сонини ошириш бўйича таклифлар берди. Санаверал космодромидан Фалсон 9 ракеталарининг учирилиш сони икки баравар ошиб, йилда 120 та рейсга етиши режалаштирилган.
Энди Маск NASAга босимни кучайтириб, агентликни Марсга эътиборни қаратишга ундамоқда. Унинг мақсади – янги давлат контрактларини қўлга киритиш ва инсониятни тарихда илк бор қизил сайёрага етказиш.