Навоийда қиз бола чақалоқни 90 млн сўмга сотган она ушланди, дея хабар бермоқда УзА.
Маълум қилинишича, Навоий вилояти ДХХ, ички ишлар ҳамда иқтисодий жиноятларга қарши курашиш Департаменти вилоят бошқармалари ходимлари ҳамкорлигида ўтказилган тезкор тадбирда фуқаро J.Ch. 2023 йилда туғилган қиз фарзандини бошқа бир фуқарога 90 миллион сўмга сотаётган вақтида қўлга олинган.
Ҳозирда унга нисбатан Жиноят кодексининг 135-моддаси 3-қисми билан жиноят иши қўзғатилиб, тергов ҳаракатлари олиб борилмоқда.