АҚШ президенти Доналд Трамп Венесуэла президенти Николас Мадуро қўлга олингани ва рафиқаси билан бирга мамлакат ҳудудидан олиб чиқиб кетилганини маълум қилди.
Тегишли баёнот Трамп томонидан Truth Social ижтимоий тармоғидаги саҳифасида эълон қилинди.
АҚШ президенти ёзишича, Қўшма Штатлар Венесуэла ҳудудида тўлиқ миқёсдаги ҳарбий ва махсус операцияни амалга оширган. Унинг таъкидлашича, мазкур операция натижасида Николас Мадуро ва унинг рафиқаси ҳибсга олиниб, Венесуэладан ташқарига олиб чиқилган.
Бу баёнот Венесуэлага қарши зарбалар бошланганидан бери АҚШ президентнинг илк расмий изоҳи ҳисобланади.
Аввалроқ The New York Times нашри Мадуронинг қаердалиги номаълум экани ҳақида хабар берган эди.
Доналд Трампнинг билдиришича, операция АҚШ ҳуқуқни муҳофаза қилувчи органлари билан ҳамкорликда ўтказилган.
Шунингдек, у Марказий Европа вақти билан соат 17:00 да Флорида штатидаги Мар-а-Лаго қароргоҳида матбуот анжумани ўтказилишини маълум қилган.