Сўнгги кунларда фуқаролар томонидан банк карталаридан уларнинг розилигисиз турли онлайн-сервислар номидан автоматик тарзда маблағ ечилиши бўйича мурожаатлар кўпаймоқда.
Жабрланувчиларнинг таъкидлашича, улар ҳеч қандай шубҳали файлларни юкламаган, SMS-кодларни киритмаган ва шахсий маълумотларини учинчи шахсларга тақдим этмаган бўлса-да, карталаридан пул ечилиш ҳолатлари кузатилган.
Мазкур ҳолат жамоатчилик эътиборида бўлиб, фуқаролар ушбу жараён юзасидан Марказий банк ҳамда Ички ишлар органларининг киберхавфсизлик бўлинмасидан расмий муносабат билдирилишини кутмоқда.