Қозоғистоннинг Олмаота шаҳрида мушкул аҳволда қолган ватандошимиз Г. Р. ва унинг икки нафар вояга етмаган фарзандлари Ўзбекистон дипломатлари кўмагида мамлакатимизга олиб келинди. Бу ҳақда “Dunyo” ахборот агентлиги хабар берди.
Ушбу инсонпарварлик ёрдами Ўзбекистонда 30 июлдан 30 августгача давом этаётган “Ватанга қайтариш” хайрия акцияси доирасида амалга оширилди.
Дипломатлар она ва фарзандларининг Олмаота–Тошкент йўналишидаги авиақатнов билан мамлакатга қайтишини таъминлади. Уларни Тошкент халқаро аэропортида Тошкент вилояти ҳокимлиги ҳамда Оила ва хотин-қизлар қўмитаси вилоят бўлими вакиллари кутиб олди.
Ҳозирда уларга психологик, моддий ва бошқа зарур ёрдамлар кўрсатилмоқда.