UzAuto Motors’нинг расмий дилерлик марказлари Onix Premier 1 (207,3 миллион сўм) va Onix Premier 2 (214,7 миллион сўм) моделлари учун янги шартномалар қабул қилишни тўхтатди.
Аввалроқ, компания Chevrolet Onix’нинг 149 миллион, 155 миллион, 159 миллион ва 185 миллион сўмлик комплектациялари сотувини тўхтатган эди.
Айни пайтда Onix’нинг энг қиммат моделлари учунгина контрактация тузиш мумкин:
-
Onix Premier 2 Plus (221,6 миллион сўм);
-
Onix Redline (230,6 миллион сўм).
Эслатиб ўтамиз, UzAuto Motors Chevrolet Onix автомобиллари сотувини 2022 йилнинг 1 ноябридан бошлаганди. Ўтган давр мобайнида Онихʼнинг 149 миллион сўмлик, 155 миллион сўмлик, 159 миллион сўмлик ва 185 миллион сўмлик моделлари ҳам ҳеч қандай изоҳсиз ва тушунтиришсиз сотувдан олиб ташланди.
126,5 миллион сўмлик комплектация эса ноябрь ойида эълон қилинган комплектациялар рўйхатига киритилган бўлса-да, амалда ишлаб чиқарилгани йўқ.