Ўзбекистоннинг доимий аҳолиси 2024 йилнинг 9 декабрь ҳолатига 37 млн 535 минг 605 кишини ташкил этган. Бу ҳақида Статистика агентлиги хабар берди.
22 апрель куни Ўзбекистоннинг доимий аҳолиси 37 миллион кишига етганди. 2024 йилнинг январ–октябрь ойларида мамлакатда жами 783 089 нафар туғилишлар қайд этилган. Мазкур туғилишларнинг ота-онасининг ёш гуруҳлари бўйича тақсимланиши қуйидагича:
Оналар:
25 ёшгача — 309 664 нафар (39,5 фоиз)
25-39 ёш — 463 842 нафар (59,3 фоиз)
40 ёш ва ундан катталар – 9 583 нафар (1,2 фоиз)
Оталар:
25 ёшгача — 84 700 нафар (10,8 фоиз)
25-39 ёш — 645 434 нафар (82,4 фоиз)
40 ёш ва ундан катталар — 52 955 нафар (6,8 фоиз)
1 январ ҳолатига кўра доимий аҳоли таркибидаги эркаклар сони аёллар сонидан 250 266 нафарга кўп. Жаҳон банки маълумотларига кўра, 2020 йилда Марказий Осиёда ўртача умр кўриш давомийлиги 71,8 ёшни ташкил этган, бу Осиё бўйича 2,4 йилга (74,2 ёш) ҳамда жаҳондаги ўртача умр давомийлигидан 7,9 йилга (79,7 ёш) кам.