Қишлоқ хўжалиги вазирлиги маълумотларига кўра, ирригация ва мелиорация ҳолати ёмонлашуви натижасида фойдаланишдан чиққан 1,1 млн гектар ерларни муомалага киритиш тўғрисида концепция қабул қилинган. Бунинг натижасида ўтган даврда муомаладан чиққан, лалми, яйлов ерлардан қарийб 580 минг гектари фойдаланишга киритилган.
Қайд этилиашича, ўзлашган ерларда 280 минг аҳоли бандлиги таъминланган ҳамда қўшимча 3,7 млн тонна маҳсулот етиштирилган.
Бундан ташқари, келгуси 5 йилда яна 500 минг гектар ерлар фойдаланишга киритилиши, шунингдек, 2 миллионга яқин сув тежовчи технология жорий қилиниши режалаштирилган.