Долларлашувнинг табиий даражаси 2020 йил январь ойида 24,5 фоизни ташкил этган бўлса. 2025 йил октябрь ойи охирига келиб бу кўрсаткич 17,8 фоизни ташкил қилади.
2025 йил октябрь ойида умумий муддатли депозитлар долларлашув даражаси қисқа муддатли (12 ойлик) силжиш даври асосида ҳисобланган долларлашувнинг табиий даражасидан 3,5 фоиз бандга, ҳамда узоқ муддатли (3 йиллик) силжиш даври асосида ҳисобланган долларлашувнинг табиий даражасидан 2 фоиз бандга юқори эканлиги аниқланди.
Таҳлилга кўра, мамлакатда муддатли депозитлардаги долларлашув кескин камайган. Хусусан, корхоналар муддатли депозитлари бўйича долларлашув даражаси 2019 йилдаги 48,2 фоиздан 2025 йил ноябрдаги 20,5 фоизгача тушган. Мазкур даврда аҳоли муддатли омонатларидаги долларлашув ҳам 32,6 фоиздан 22,5 фоизгача пасайган. Бироқ талаб қилиб олгунча депозитлар (исталган вақтда қайтариб олиш мумкин бўлган маблағлар) долларлашуви узоқ муддатли даврда 40 фоиздан юқори даражада шаклланяпти.
2019 йилда Халқаро валюта жамғармаси экспертлари Ўзбекистон учун долларлашув табиий даражаси учун бу кўрсаткич 16,5 фоизни ташкил этган.
Маълумот учун, долларлашув — бу бирор давлат иқтисодиётида АҚШ доллари маҳаллий валютага нисбатан кенг қўлланила бошлаши жараёни. Агар мамлакатда долларлашув ошиб кетса бу маҳаллий валютага ишонч пасайгани ва шу мамлакатда инфляция кучли эканлигини англатади.