Ўзбекистонда биринчи аукцион уйи ва баҳолаш компанияси иш бошлади. Бу ҳақда Ўзбекистон Бадиий академияси хабар берди.
Унинг асосий фаолияти мамлакатдаги тасвирий ва амалий санъат соҳасидаги ижодкорларнинг рейтингини оширишга қаратилган. Ташкилот ижодкорларнинг асарларини сотиш ва баҳолаш имкониятини яратиб беради.
Биринчи аукционда республикада яшаб ижод қилган машҳур рассомлар билан бир қаторда, танилмаган рассомларнинг асарлари ҳам савдога қўйилади.
Санъат асарларини баҳоловчи ягона ташкилот расмлар кўргазмаси, баҳолаш комиссияси, технологик тажрибалар лабораторияси, санъат объектларини экспертизадан ўтказиш ва кимошди савдоси жараёнларини ўз ичига олади.