Ўзбекистоннинг Дубайдаги Бош консулхонада «La Boveda de Puros» ширкати раҳбари Николас Абинадер билан учрашув бўлиб ўтди, деб хабар бермоқда «Дунё» АА. Унда Ўзбекистоннинг БААдаги элчиси Абдулазиз Аккулов ва Дубайдаги Бош консул Алишер Саломов иштирок этишди.
Учрашув давомида Ўзбекистонга хорижий компания офисини ташкил этиш, хизмат турларини диверсификация қилиш масалалари муҳокама қилинди.
«La Boveda de Puros» ширкати раҳбари Николас Абинадер Ўзбекистонда компаниянинг минтақавий офисини очиш ва бу орқали Марказий Осиё давлатлари бозорига юқори сифатли тамаки маҳсулотларини етказиш тизимини ташкил қилишини билдирди.
Учрашув сўнгида, томонлар тегишли юридик ва ташкилий масалаларда ҳамкорлик қилиш ҳамда ушбу тадбиркорнинг Ўзбекистонга бизнес миссиясини ташкил этиш бўйича келишиб олдилар.
Маълумот учун, «La Boveda de Puros» ширкатининг бош офиси БААнинг Дубай шаҳрида жойлашган. Ширкат Коста-Рика, Никарагуа, Доминикан Республикаси ва АҚШнинг Маями шаҳрида махсус буюртма асосида премиум классдаги тамаки маҳсулотларини (сигара) ишлаб чиқариш ва қадоқлашни йўлга қўйган.