Ўзбекистонда резидент авиакомпаниялар томонидан амалга ошириладиган парвозлар сони ошди. Бу ҳақда Транспорт вазирлиги хабар берди.
Қайд этилишича, резидент авиакомпаниялар томонидан кўсатилаётган хизматлар кўлами ортмоқда.
2023 йилнинг январь-июль ойлари якуни бўйича Ўзбекистон резидент авиакомпаниялари томонидан 28 764 та авиақатнов амалга оширилди.
“Натижада ўтган йилнинг шу даврига нисбатан ўсиш 7 524 та рейсга ёки 135 фоизни ташкил этади”, дейилади хабарда.
Хорижий йўналишларда амалга оширилган авиақатновлар сони 16 618 та (151%), ташилган йўловчилар сони 2 398,5 минг нафарни (132 %) ташкил этади.
Маҳаллий йўналишларда резидент авиакомпаниялари томонидан шаҳарлараро амалга оширилган авиақатновлар сони 12 146 та (141%) ни, ташилган йўловчилар сони 1 015,6 минг нафарга (103%) тенг бўлди.