Қирғизистон президенти маъмурияти учун қурилаётган бинодан ўзбекистонлик ишчи пастга қулади, дея хабар берди Кун.уз.
Бишкек шаҳри Шошилинч тиббий ёрдам маркази директори ўринбосари Егор Борисов сўзларига кўра, жабрланувчи 4-сонли клиник шифохонасига ётқизилган.
Ленин тумани ички ишлар бўлимининг маълум қилишича, 6 август куни соат 15.00 атрофида «102» хизматига бинода қурилиш ишлари олиб бораётган ишчи баландликдан йиқилиб тушгани ҳақида мурожаат келиб тушган. Жабрланувчи шаҳар клиник шифохонасига етказилган.
Аниқланишича, ишчи 1993 йилда туғилган Ўзбекистон фуқароси бўлиб, ҳозир жонлантириш бўлимига ётқизилган. Унинг исми-шарифи ва аҳволи ҳақида маълумот берилмади.
Қайд қилинишича, ҳолат юзасидан тергов бошланган ва экспертиза тайинланган.