Бразилиянинг Рио-де-Жанейро шаҳрида ўтаётган Жаҳон фанлар академияси (TWAS)нинг навбатдаги Бош конференциясида Ўзбекистон Фанлар академияси вице-президенти, профессор Шаҳло Турдиқуловага академик дипломи тантанали равишда топширилди.
Мазкур конференция доирасида соғлиқни сақлаш, иқлим ўзгариши, барқарор ривожланиш ва илмий инновациялар каби долзарб масалалар муҳокама қилинмоқда.
Эслатиб ўтамиз, жорий йил бошида профессор Турдиқулова Жаҳон фанлар академияси академиги этиб сайланган эди. Ушбу ютуқ нафақат шахсий меҳнатнинг эътирофи, балки ўзбекистонлик олималарнинг халқаро майдондаги нуфузини юксалтирувчи муҳим воқеа сифатида қайд этилмоқда.
Маълумот учун, 1983 йилда ташкил этилган TWAS дунёнинг энг йирик илмий тузилмаларидан бири ҳисобланади. Бугунги кунда у 100 дан ортиқ мамлакатдан 1 400 дан зиёд етакчи олимни, жумладан, Нобель мукофоти совриндорларини ҳам ўз сафида бирлаштирган.