Кореяда вақтинча ишлаш истагида бўлган юртдошларимизни ушбу давлатга нафақат Е-9 (нопрофессионал), балки Е-8 (мавсумий) ҳамда Е-7 (профессионал) визалари асосида юборилади.
Камбағалликни қисқартириш ва бандлик вазири Беҳзод Мусаев Корея Республикаси Адлия вазирлигининг иммиграция департаменти раҳбари Ким Жонг До бошчилигидаги делегация аъзолари билан учрашди. Мулоқотда Кореяда вақтинча ишлаш истагида бўлган юртдошларимизни ушбу давлатга нафақат Е-9 (нопрофессионал), балки Е-8 (мавсумий) ҳамда Е-7 (профессионал) визалари асосида юбориш масалалари муҳокама қилинди.
Шунингдек, икки давлат ўртасидаги миграция жараёнларини қонуний ва хавфсиз амалга ошириш, ўзбекистонликларнинг Кореяда ноқонуний меҳнат фаолиятини олиб бориш ҳолатларига буткул барҳам бериш юзасидан келишиб олинди.