31 декабрь — 5 январь кунлари Ўзбекистоннинг қатор тоғли ҳудудларида қор кўчиши хавфи эълон қилинди. Бу ҳақда Ўзгидромет директори Шерзодхўжа Ҳабибуллахўжа маълум қилди. Огоҳлантириш кутилаётган ёғингарчилик ва ҳаво ҳароратининг кескин ўзгариши билан боғлиқ.
Хавф Қашқадарё вилоятининг Деҳқонобод, Китоб, Қамаши ва Шаҳрисабз, Сурхондарё вилоятининг Бойсун, Қумқўрғон, Сариосиё ва Узун туманларида қайд этилиши мумкин. Шунингдек, Самарқанд вилоятининг Нуробод, Қўшработ, Самарқанд ва Ургут туманлари ҳам хавф зоналарига киради.
Бундан ташқари, Жиззах вилоятининг Бахмал ва Зомин, Тошкент вилоятининг Бўстонлиқ, Паркент ва Оҳангарон туманлари (Чатқол тизмаси тоғлари), шунингдек Наманган вилоятининг Поп туманида ҳам қор кўчиши эҳтимоли бор.
Мутасаддилар тоғли ҳудудларда истиқомат қилувчи фуқаролар, дам олувчилар ва ушбу ҳудудларда ҳаракатланаётган ҳайдовчилардан эҳтиёт чораларини кўришни сўрамоқда. Зарур бўлмаган сафарлардан воз кечиш ва об-ҳаво огоҳлантиришларига қатъий амал қилиш тавсия этилди.