Payme иловаси картадан картага ўзтказмалари учун 1,1 фоиз комиссия еча бошлади. Яқингача бу 1 фоизни ташкил қилган. Аммо payme.uz сайтида ҳамон ўтказмалар учун 1 фоиз комиссия эканлигини ёзилган.
Яъни энди сиз Payme орқали Uzcard'дан Uzcard'га ўтказма қилганингизда 1,1 фоиздан ечади. Аввал бу 1 фоиз бўлган.
Zamon.uz мухбири ушбу ҳолатга ойдинлик киритиш учун Payme қўллаб-қувватлаш маркази (оператор) боғланди. Ўзини Карина деб таништирган ходим комиссия нархи ошганини тасдиқлади. Унга кўра, P2P ўтказмалари учун комиссия миқдори 4 декабрдан ошган.
У комиссия фоизнинг оширилганига сабаб сифатида иловани яхшилаш учун шундай қилинганини айтди.
Хўш, P2P ўтказмалари учун комиссия миқдори ошди, нега илова бу ҳақда ўз фойдаланувчиларига хабар бермади?
Операторга кўра, Payme офера шартларига мувофиқ бундай маълумотни СМС ёки хабар пост шаклда фойдаланувчиларга юборилмайди. Чунки иловада пул ўтказмалари амалга оширилаётган вақтида комиссия миқдори кўрсатилади.
4 декабрдан комиссия миқдори оширилганига қарамай payme.uz сайтида комиссия миқдори 1 фоиз қилиб кўрсатилган. Оператор Карина эса бу ҳақда ҳеч қандай маълумотга эга эмаслигини айтди.
Аммо бошқа бир Тelegram канал Payme операторлари билан боғланганида комиссиянинг оширилганига 2 ой бўлганини айтган.