Президент Администрациясида куч тузилмалари раҳбарлари иштирокида ишчи йиғилиш бўлиб ўтди. Бу ҳақда Администрация раҳбари Саида Мирзиёева маълум қилди.
Унинг айтишича, йиғилишда наркожиноятчилик, жиноий гуруҳлар ва ноқонуний қурол-яроғ айланмасига қарши курашиш бўйича биргаликда ишлайдиган самарали тизимни тез фурсатда шакллантириш вазифаси қўйилди.
“Жамиятда, айниқса ёшлар орасида гиёҳванд моддалар тарқалишига йўл қўймаслик — давлатнинг энг муҳим вазифаларидан бири. Ёшларни бу иллатдан ҳимоя қилиш, фуқаро хавфсизлигини таъминлаш ҳамда барча ноқонуний хатти-ҳаракатларга қатъий чек қўйиш шарт”, — дея таъкидлади Саида Мирзиёева.