Иқтисодий тадқиқотлар ва ислоҳотлар маркази экспертлари Шавкат Мирзиёевнинг Олий Мажлисга йўллаган Мурожаатномасининг лингвистик контент-таҳлилини ўтказди.
Таҳлил натижаларига кўра, 2023 Мурожаатномасида энг кўп ишлатилган сўзлар қуйидагилар:
1. «Таълим» сўзи — 25 марта;
2. «Мактаб» сўзи — 23 марта;
3. «Шахс» ва «халқ» сўзлари — 22 мартадан;
4.«Конституция» ва «инвестиция» сўзлари — 20 мартадан;
5. «Тадбиркор» сўзи — 19 марта;
6. «Маҳалла» сўзи — 18 марта ишлатилган.
Тасвирий ифодаловчи сўзлардан фойдаланиб, таҳлилчилар давлат раҳбари нималарга кўпроқ эътибор қаратаётганини аниқлашди.Президентнинг Олий Мажлис ва Ўзбекистон халқига Мурожаатномаси 2 соат 25 дақиқа давом этди. Шавкат Мирзиёев ўз Мурожаатномасида 6 502 та сўз ишлатган. Энг узун сўзлар 15 ҳарфдан иборат бўлиб, ўртача битта сўз 7 та ҳарфдан иборат бўлган.
Маълумот учун, давлат раҳбарининг ҳар йили охирида парламентга йўллаган Мурожаатномаси - муҳим аҳамиятга эга. Унда ўтган йил кўрсаткичларини сарҳисоб қилиш, ривожлантиришнинг асосий йўналишларини белгилаб олиш ҳамда келгуси йил учун мақсад ва вазифаларни кўрсатиб беришдан иборат бўлди. Шунингдек Мурожаатномада келгуси йилнинг асосий ривожланиш вектори ҳам белгилаб берилади.