Бугун, 24 март куни “Қамчиқ” довонидан ўтувчи “Тошкент–Ўш” автомобиль йўлида “Volvo” русумли юк машинаси йўл четига чиқиб кетган. Бунга ҳайдовчининг ҳаракат хавфсизлигини таъминлай олмай қолгани сабаб бўлган.
Ҳодиса оқибатида ҳеч ким тан жароҳати олмаган. Ҳолат юзасидан Наманган вилояти ИИБ ЙҲХБ ходимлари томонидан суриштирув ҳаракатлари олиб борилмоқда.
Аввалроқ “Қамчиқ” довонида ҳаракатланиб кетаётган “DAF” русумли автомашинанинг двигател қисмида ёнғин чиққани хабар қилинганди.
Жавоҳирбек ТУРСУНОВ