Бугун, 21 апрель куни соат 15:30 да “Тошкент–Ўш” автомобиль йўлининг “Водий-Тошкент” йўналишида ҳаракатланиб кетаётган “DAF” русумли юк автомашина ҳайдовчиси бошқарувни йўқотиб, йўл четидаги ҳандаққа (кювет) кабина қисми билан тушиб қолган. Ҳодиса натижасида тан жароҳати олганлар ва ҳалок бўлганлар йўқ.
Воқеа жойига зудлик билан “Қамчиқ” махсус қидирув, ёнғин-қутқарув бошқармаси қутқарувчилари етиб бориб, тегишли хизматлар билан ҳамкорликда махсус техникалар ёрдамида юк автомашинасини ҳандақдан чиқариб олган.