Қарши халқаро аэропортининг аэровокзал комплексида реконструкция ишлари олиб борилмоқда.
Дастлабки босқичда ташриф буюрувчилар учун мўлжалланган зал кенгайтирилиб, аэровокзалнинг йўловчилар ўтказувчанлик қобилиятини соатига 200 йўловчидан 400 нафар йўловчига ошириш мақсад қилинган.
Аэровокзал иккинчи қаватининг жўнаб кетувчи йўловчилар учун мўлжаллаб қайта реконструкция қилиниши натижасида комплексдаги йўловчиларни рўйхатдан ўтказиш устунлари сони ҳозирги 3 тадан 10 тага оширилади.
Хусусан, замонавий багаж тақсимловчи ленталар, электрон тарозилар ва йўловчилар учун қулайликлар яратишга мўлжалланган бошқа мосламалар ўрнатилади.
