Бугун, 31 май куни Қарши шаҳри “Комилон” МФЙдаги хонадонларнинг биридан фуқаро Л.А. нинг (эркак, 1995 й.т.) жасади қотиллик аломатлари билан топилди. Бу ҳақда Қашқадарё вилояти прокуратураси хабар берди.
Маълум қилинишича, ҳолат юзасидан шу куни Қарши шаҳар прокуратураси томонидан О.Д.га (2004 й.т.) нисбатан жиноят кодексининг 97-моддаси 2-қисми (оғирлаштирувчи ҳолатда қасддан одам ўлдириш) билан жиноят иши қўзғатилиб, процессуал тартибда ушланган.
Ҳозирда вилоят прокуратураси томонидан тергов ҳаракатлари олиб борилмоқда.
