“Aspekt 24” ахборот агентлигининг икки нафар махсус мухбири фирибгарлик ва товламачиликда айбланиб суд ҳукми билан жавобгарликка торилди. Бу ҳақда Олий суд матбуот котиби Азиз Обидов маълум қилди.
Қайд этилишича, Қашқадарё вилояти жиноят ишлари бўйича Кўкдала туман суди 2025 йил 4 ноябр куни чиқарган ҳукмига кўра, А.А. (1988 йилда Тошкент вилоятида туғилган) Жиноят кодексининг 165-моддаси 2-қисми “а” банди ҳамда 168-моддаси 3-қисми “б”, “в” бандларида назарда тутилган жиноятларда айбдор деб топилган. Шунингдек, И.Е. (2004 йилда Қашқадарё вилоятида туғилган) Жиноят кодексининг 28 ва 168-моддалари 3-қисми “б”, “в” бандлари бўйича айбли деб топилган.
Суд ҳукмига кўра, А.А.га 5 йил 6 ой муддатга озодликдан маҳрум қилиш жазоси тайинланган. И.Е.га эса 3 йиллик жазо белгиланган бўлиб, Жиноят кодексининг 62-моддасига асосан унинг 1 йил 4 ой 12 куни ахлоқ тузатиш ишлари сифатида ўтиш қолдирилган. Шунингдек, ҳар икки шахс Жиноят кодексининг 45-моддасига мувофиқ, 1 йил давомида давлат иштирокидаги ОАВда ишлаш ҳуқуқидан маҳрум этилган.
Маълум қилинишича, биринчи инстанция суди ҳукми аллақачон қонунли кучга кирган. Тарафлар белгиланган тартибда ушбу ҳукм устида Қашқадарё вилояти суди жиноят ишлари бўйича судлов ҳайъатига кассация шикояти ёки протест киритиш ҳуқуқига эга. Аввалроқ Сурхондарёда Сариосиё тумани хокимининг ўринбосари ҳам озодликдан маҳрум этилгани хабар қилинган эди.