Ўзбекистонда бўлиб турган Қатар Давлати Амири шайх Тамим бин Ҳамад Ол Сонийнинг давлат ташрифи ўз ниҳоясига етди. Ташриф доирасидаги тадбирлар якунида Шавкат Мирзиёев ва амир шайх Тамим бин Ҳамад Ол Соний самимий хайрлашди.
Маълумот учун, 5 июнь куни давлат раҳбарлари Самарқанднинг диққатга сазовор жойларига ташриф буюрдилар. Шунингдек, бугун иккала давлат етакчилари самарали музокаралар ўтказиб, уларда кўп қиррали ҳамкорликнинг устувор ва истиқболли йўналишларини белгилаб олдилар, икки томонлама муносабатларни янги даражага олиб чиқишга келишиб олинди.
Самарқанд халқаро аэропортида олий мартабали меҳмонни Ўзбекистон Бош вазири Абдулла Арипов кузатиб қўйди.