Бугун, 24 март куни соат 18:26 да Тошкент вилояти, Қибрай тумани, «Дўрмон» МФЙ, Маърифат кўчасида жойлашган уйлар ёнаётгани ҳақида ФВБга хабар келиб тушди.
Шундан сўнг, ёнғин-қутқарув хизматлари соат 18:28 да воқеа жойига етиб борган. Соат 19:33 да ёнғин ўраб олиниб, бартараф этиш ишлари давом этмоқда.
Ҳодиса жойига Тошкент вилояти ва туман ФВБ раҳбарлари ҳам етиб келган. Мазкур ҳолат юзасидан қўшимча маълумотлар берилиши кутилмоқда.