Bugun, 24-mart kuni soat 18:26 da Toshkent viloyati, Qibray tumani, “Do‘rmon” MFY, Ma’rifat ko‘chasida joylashgan uylar yonayotgani haqida FVBga xabar kelib tushdi.
Shundan so‘ng, yong‘in-qutqaruv xizmatlari soat 18:28 da voqea joyiga yetib borgan. Soat 19:33 da yong‘in o‘rab olinib, bartaraf etish ishlari davom etmoqda.
Hodisa joyiga Toshkent viloyati va tuman FVB rahbarlari ham yetib kelgan. Mazkur holat yuzasidan qo‘shimcha ma’lumotlar berilishi kutilmoqda.