Ижтимоий тармоқларда газ қувури ёнаётгани акс этган видеолар тарқалди. Маълум бўлишича, мазкур ҳолат кеча, 4 июнь куни соат 19:00 атрофида Қорақалпоғистоннинг Хўжайли туманида юз берган.
Туман ҳокимлиги ахборот хизматининг аниқлик киритишича, ёнғин Хўжайли туманининг “Жанга жап” ОФЙ ҳудудидан ўтувчи, Нукус шаҳрини газ билан таъминловчи 530 диаметрли газ қувуридан газ сизиб чиқиши оқибатида юзага келган.
“Ургенчтрансгаз” жамиятига тегишли газ қувурида газ тўхтатилиб, ёнғин ўчирилган. Ҳодиса оқибатида ҳеч кимга тан жароҳати етмаган. Ёнғиннинг асл сабаблари ва зарар миқдори ҳозирча очиқланмади.