Қозоғистон Ахборот ва ижтимоий ривожланиш вазирлиги ташаббуси билан мамлакат миқёсида Оналар куни ва Оталар куни нишонланади.
Қозоғистонда байрамлар тақвимини тасдиқлаш тўғрисидаги қарорга янги байрамлар тўғрисидаги қўшимча киритилди. Ҳужжатни бош вазир Алихан Смаилов имзолаган.
«Оилавий қадриятларни тарғиб қилиш, оила ва таълим институтини мустаҳкамлаш мақсадида дунёнинг кўплаб мамлакатларида нишонланадиган ’Оналар куни‘ ва ’Оталар куни‘ расмий байрамлари мамлакатимизда ҳам тасдиқланди», — дейилади хабарда.
Қозоғистонликлар Оталар кунини эса июн ойининг учинчи якшанбасида, Оналар кунини май ойининг иккинчи якшанбасида нишонлайдилар.