Қозоғистонда рус тилининг ҳуқуқий мақомини мустаҳкамлаш режалаштирилмоқда. Бу ҳақда мамлакат Конституциявий суди раиси ўринбосари Нурмуҳаммед Нурмуханов маълум қилди.
Унинг сўзларига кўра, янги Конституция лойиҳасида рус тилидан фойдаланишга оид норма қайта кўриб чиқилмоқда. Режага мувофиқ, рус тилидан давлат тили ҳисобланган қозоқ тили билан бир қаторда фойдаланиш имконияти сақлаб қолинади.
Расмийга кўра, ушбу ўзгариш мамлакатдаги тил сиёсатини аниқроқ белгилаш ва амалдаги тил амалиётини ҳуқуқий жиҳатдан мустаҳкамлашга қаратилган.
Қозоғистонда қозоқ тили давлат тили ҳисобланади, рус тили эса амалда давлат органлари ва жамоат ҳаётининг турли соҳаларида кенг қўлланиб келмоқда.