Эртага, 30 декабрь куни соат 09:00 дан бошлаб Ўзбекистон ҳудудидаги барча метан заправкалар 24 соатлик иш режимида фаолият юритади. Бу ҳақда Энергетика вазирлиги расмий манбалари маълум қилди.
Мазкур тартиб автотранспорт воситалари эгалари учун қулайлик яратиб, ёқилғи қуйишни кун давомида, жумладан тунги соатларда ҳам навбатсиз амалга ошириш имконини беради. Шу орқали заправкаларда тирбандликларнинг олди олиниши кутилмоқда.
Бугун Халқаро конгресс марказида Президент Шавкат Мирзиёев иштирокида тантанали маросим бўлиб ўтади. Тадбир давомида янги энергетика қувватлари ишга туширилади ҳамда навбатдаги лойиҳаларнинг қурилишига старт берилади.
Шунингдек, маросим доирасида давлатимиз раҳбари Бирлашган Араб Амирликлари, Озарбайжон, Қирғизистон, Саудия Арабистони, Туркия ва Хитойдан келган делегациялар билан учрашувлар ўтказади.