Португалия терма жамоаси ва "Ал-Наср" ҳужумчиси Криштиану Роналду келажаги бўйича бир тўхтамга келолмаяпти. 39 ёшли футболчининг Саудия Арабистони клуби билан шартномаси шу йилнинг 30 июнь куни якунланади.
"ТEАМталк" нашрининг ёзишича, жаҳон футболида энг кўп гол урган футболчи олдида турган учта вариантдан бирини танлаши керак.
Биринчиси, Роналду "Ал-Наср" билан ҳамкорлик муддатини узайтириши мумкин. Бунинг учун клуб таркибни кучайтириб, чемпионлик учун курашадиган даражага олиб келиши керак. Иккинчиси, Криштиану Европа футболига қайтиш имкониятига эга. Айни вақтда "Спортинг" ҳужумчини ўз сафига чорлаяпти.
Учинчиси, тез орада қирқ ёшни қарши оладиган машҳур юлдуз фаолиятини тугатиш бўйича якуний қарорга келиши ҳам мумкин.