Россия АҚШнинг Қора денгиз устида уриб туширилган MQ-9 Reaper дрони қолдиқларининг бир қисмини қўлга киритди. Бу ҳақда ўз манбаларига таяниб CNN хабар берди.
Ўз навбатида Оқ уйнинг стратегик коммуникациялар бўйича координатори Жон Кирби Вашингтон Москва учун учувчисиз қурилмадан разведка мақсадларида фойдаланишини имконсиз қилиб қўйганини айтган.
14 март куни АҚШнинг MQ-9 Reaper дрони Қора денгизда қулади. Америка ҳарбийлари Россиянинг Су-27 қирувчи самолёти манёври туфайли қурилма ҳалокатга учраганини айтишган. Москва эса дрон ҳаво ҳудуди режимини бузганини таъкидлаган.
Воқеадан кейин АҚШ ва РФ мудофаа вазирлари, шунингдек, штаб бошлиқлари телефон мулоқотини ўтказди.