Россия Ташқи ишлар вазирлиги расмий вакили Мария Захарова навбатдаги брифингда бир қатор долзарб масалалар юзасидан баёнот берди. Унга кўра, Москва Туркиянинг Россия ва Украина ўртасидаги музокаралар учун ўз ҳудудини таклиф этганидан миннатдорлик билдирган.
Захарова, шунингдек, АҚШнинг Украина бўйича можарони ҳал этиш режасини муҳокама қилиш тадбирлари қачон ўтказилиши ҳақида Россия томони алоҳида маълумот беришини таъкидлади.
Брифингда айтилишича, АҚШ Филиппинда Украина Қуролли Кучлари сафида жанг қилиш учун ёлланма жангчиларни жалб қилиш кампаниясини бошлаган. Россия маълумотларига кўра, Германия элчихонаси эса улар учун Сченген визаларини расмийлаштириб бермоқда.
Захарова яна Гонконгда содир бўлган ёнғин оқибатида жабрланган Россия фуқаролари борлиги ҳақида ҳозирча ҳеч қандай маълумот келиб тушмаганини маълум қилди.