Россия президенти Владимир Путин Запорожье ва Херсон вилоятлари мустақиллиги тан олингани тўғрисидаги фармонларни имзолади. Бу ҳақда ТАСС хабар берди.
Фармонда таъкидланишича, Путин халқаро ҳуқуқнинг умумэътироф этилган тамойиллари ва меъёрларига мувофиқ ушбу қарорни қабул қилган.
Россия президентининг матбуот котиби Дмитрий Песков маълум қилишича, бугун, 30 сентябр куни Москва вақти билан соат 15:00 да Путин Кремлда Донецк, Луганск, Херсон ва Запорожьенинг Россия таркибига кириши тўғрисидаги ҳужжатларни имзолайди.