Қирғизистон пойтахти Бишкекда ўтказилган Zakovat Asian Cup II интеллектуал мусобақасида Ўзбекистон терма жамоаси ғалаба қозонди.
Мазкур тадбир якунлари бўйича Президент Администрацияси раҳбари Саида Мирзиёева ўзбекистонлик иштирокчиларни қутлаб, ушбу ўйин икки халқ ўртасидаги дўстлик ва ҳамжиҳатликни янада мустаҳкамлашга хизмат қилганини таъкидлади.
“Заковат майдони нафақат билим беллашуви, балки халқларимизни яқинлаштирувчи кўприкка айланди. Мусобақа давомида ўзаро ҳурмат, самимийлик ва дўстлик муҳитини яратган қирғизистонлик дўстларимизга миннатдорчилик билдираман”, — дея қайд этди Саида Мирзиёева.