Самарқанд вилоятининг Булунғур туманида профилактика инспектори вояга етмаган йигитга нисбатан босим ўтказганликда айбдор деб топилди. Ҳодиса ортидан йигитнинг аҳволи оғирлашгани, тиббий муолажалар кўрилганига қарамай, у бир неча ой ўтиб вафот этгани маълум қилинди. Яқинларининг айтишича, инспектор томонидан «қамаласан» деган таҳдидлар унга кучли руҳий босим қилган.
Суд ҳужжатларига кўра, инспектор И. Х. вояга етмаганни излаб топиш жараёнида оила аъзоларидан пул ундиргани, шунингдек, унга нисбатан расмий тартиб-қоидаларга зид тарзда муомала қилгани аниқланган. Марҳумнинг онаси ва қариндошлари инспектор томонидан берилган таҳдидларни видеотасвир билан тасдиқлаганини маълум қилган.
ЖИБ Пайариқ туман суди И. Х. ни Жиноят кодексининг фирибгарлик ва мансабга совуққонлик билан муносабатда бўлиш моддаларида айбли деб топди. Суд унга 2 йил ички ишлар тизимида ишлаш ҳуқуқидан маҳрум этилган ҳолда 2 йил 6 ой муддатга озодликдан маҳрум қилиш жазоси тайинлади. У суд залидан қамоққа олинди.