Жорий йилнинг 13-17 ноябрь кунлари Самарқанд шаҳридаги “Ипак йўли" конгресс-холлда БМТ Конвенцияси (СРИС 21) ижросини кўриб чиқиш қўмитасининг 21-сессияси бўлиб ўтади. Бу хақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Тадбир доирасида Африка, Осиё, Лотин Америкаси ва Кариб ҳавзаси, Шимолий Ўртаер денгизи, Марказий ва Шарқий Европа учун конвенцияни амалга ошириш бўйича иштирокчи давлатлар ўртасида маслаҳатлашувлар ўтказилади.
СРИС 21 давомида томонлар Бирлашган Миллатлар Ташкилотининг Чўлланишга қарши кураш тўғрисидаги конвенциясининг (УНССД) 2018-2030 йилларга мўлжалланган Стратегия асосларини кўриб чиқадилар.
Шунингдек, конференцияда ернинг деградациясига бетарафлик мақсадларини белгилаш борасида ихтиёрий саъй-ҳаракатларини қўллаб-қувватлаш бўйича аниқ тадбирлар ҳақида маълумот берилади.
Бундан ташқари, қурғоқчиликни самарали бошқариш сиёсати ва уни амалга ошириш бўйича ҳукуматлараро ишчи гуруҳи СРИС 21 доирасида ўз тараққиёт ҳисоботини тақдим этади.
Юқори даражадаги тадбир Ўзбекистон ҳукумати томонидан СРИС 21 ҳомийлигида ташкил этилмоқда.
Чўлланишга қарши кураш бўйича конвенциясига бағишланган кенг кўламли тадбирга саноқли кунлар қолди. Хўш, СРИС 21 нима дегани? Ушбу воқеликнинг дунё ҳамжамияти учун аҳамиятини қандай?
УНССД чўлланиш, эрларнинг деградасиясига қарши курашиш ва қурғоқчилик оқибатларини юмшатиш учун халқаро даражадаги давлат ҳамда хусусий секторнинг саъй-ҳаракатларини бирлаштириш учун яратилган.
Конвенцияда Европа Иттифоқи ҳамда 196 та давлат иштирокчи ҳисобланади. Конвенция инсониятни озиқ-овқат, сув, бошпана ва иқтисодий имкониятлар билан таъминлаш учун эр деградасияси оқибатларини юмшатиш ва эрни ҳимоя қилиш бўйича кўп томонлама мажбуриятни ўз ичига олади.
Конвенция 1994 йил 17 июнда Парижда Рио-де-Жанейрода бўлиб ўтган БМТнинг атроф-муҳит ва ривожланиш бўйича конференциясида қабул қилинган ва 1996 йил 26 декабрда кучга кирган. 2012 йилда Конвенция 195 давлат томонидан ратификасия қилинган.
Ўзбекистон Республикаси Осиё минтақаси ва МДҲ давлатлари орасида биринчи бўлиб 1995 йилда Бирлашган Миллатлар Ташкилотининг Чўлланишга қарши курашиш тўғрисидаги конвенциясини ратификасия қилди.