Joriy yilning 13-17 noyabr kunlari Samarqand shahridagi “Ipak yo‘li" kongress-xollda BMT Konvensiyasi (CRIC 21) ijrosini ko‘rib chiqish qo‘mitasining 21-sessiyasi bo‘lib o‘tadi. Bu xaqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Tadbir doirasida Afrika, Osiyo, Lotin Amerikasi va Karib havzasi, Shimoliy O‘rtayer dengizi, Markaziy va Sharqiy Yevropa uchun konvensiyani amalga oshirish bo‘yicha ishtirokchi davlatlar o‘rtasida maslahatlashuvlar o‘tkaziladi.
CRIC 21 davomida tomonlar Birlashgan Millatlar Tashkilotining Cho‘llanishga qarshi kurash to‘g‘risidagi konvensiyasining (UNCCD) 2018-2030 yillarga mo‘ljallangan Strategiya asoslarini ko‘rib chiqadilar.
Shuningdek, konferensiyada yerning degradatsiyasiga betaraflik maqsadlarini belgilash borasida ixtiyoriy sa’y-harakatlarini qo‘llab-quvvatlash bo‘yicha aniq tadbirlar haqida ma’lumot beriladi.
Bundan tashqari, qurg‘oqchilikni samarali boshqarish siyosati va uni amalga oshirish bo‘yicha hukumatlararo ishchi guruhi CRIC 21 doirasida o‘z taraqqiyot hisobotini taqdim etadi.
Yuqori darajadagi tadbir O`zbekiston hukumati tomonidan CRIC 21 homiyligida tashkil etilmoqda.
Cho`llanishga qarshi kurash bo`yicha konvensiyasiga bag`ishlangan keng ko`lamli tadbirga sanoqli kunlar qoldi. Xo`sh, CRIC 21 nima degani? Ushbu voqelikning dunyo hamjamiyati uchun ahamiyatini qanday?
UNCCD cho`llanish, erlarning degradasiyasiga qarshi kurashish va qurg`oqchilik oqibatlarini yumshatish uchun xalqaro darajadagi davlat hamda xususiy sektorning sa`y-harakatlarini birlashtirish uchun yaratilgan.
Konvensiyada Yevropa Ittifoqi hamda 196 ta davlat ishtirokchi hisoblanadi. Konvensiya insoniyatni oziq-ovqat, suv, boshpana va iqtisodiy imkoniyatlar bilan ta`minlash uchun er degradasiyasi oqibatlarini yumshatish va erni himoya qilish bo`yicha ko`p tomonlama majburiyatni o`z ichiga oladi.
Konvensiya 1994 yil 17 iyunda Parijda Rio-de-Janeyroda bo`lib o`tgan BMTning atrof-muhit va rivojlanish bo`yicha konferensiyasida qabul qilingan va 1996 yil 26 dekabrda kuchga kirgan. 2012 yilda Konvensiya 195 davlat tomonidan ratifikasiya qilingan.
O`zbekiston Respublikasi Osiyo mintaqasi va MDH davlatlari orasida birinchi bo`lib 1995 yilda Birlashgan Millatlar Tashkilotining Cho`llanishga qarshi kurashish to`g`risidagi konvensiyasini ratifikasiya qildi.