6 март куни соат 21:50 атрофида Самарқанд шаҳрининг Фирдавсий кўчасида жойлашган “Илҳом”чойхонаси қаршисида пиёда иштирокида ЙТҲ содир бўлган.
Маълум қилинишича, дастлаб Нексия автомобили ҳайдовчиси йўлни кесиб ўтаётган пиёдани уриб юборган. Шундан сўнг бир йўналишда Нексия ортидан ҳаракатланиб келаётган Кобальт ерда ётган ушбу фуқарони босиб ўтган.
Ҳодиса оқибатида пиёда тан жароҳатлари билан шифохонага ётқизилган. Ҳозирда мазкур ҳолат юзасидан дастабки тергов ҳаракатлари олиб борилмоқда.