6-mart kuni soat 21:50 atrofida Samarqand shahrining Firdavsiy ko‘chasida joylashgan “Ilhom” choyxonasi qarshisida piyoda ishtirokida YTH sodir bo‘lgan.
Ma’lum qilinishicha, dastlab Neksiya avtomobili haydovchisi yo‘lni kesib o‘tayotgan piyodani urib yuborgan. Shundan so‘ng bir yo‘nalishda Neksiya ortidan harakatlanib kelayotgan Kobalt yerda yotgan ushbu fuqaroni bosib o‘tgan.
Hodisa oqibatida piyoda tan jarohatlari bilan shifoxonaga yotqizilgan. Hozirda mazkur holat yuzasidan dastabki tergov harakatlari olib borilmoqda.