Бош прокуратура хабарига кўра, жорий йил 27 июнь куни соат тахминан 04:30 ларда Тойлоқ тумани Боғизағон маҳалласи Самарқанд кўчасида яшаган 1991 йилда туғилган Г.И. ўзининг яшаш уйи меҳмонхонасида кийим илгичга аёллар рўмоли билан ўзини осиб, ўз жонига қасд қилган.
Ҳолат юзасидан туман прокуратураси томонидан терговга қадар текшириш ҳаракатлари олиб борилмоқда.
Г.И. Тойлоқ тумани Боғизағон маҳалласида яшовчи 1989 йилда туғилган О.Х. билан 2019 йилда қонуний никоҳдан ўтиб, бирга яшаб келган.Уларнинг 2 нафар – 2019 ва 2021 йилда туғилган фарзанди борлиги айтилмоқда.
Г.И.нинг ўлим сабабини аниқлаш мақсадида унинг мурдаси суд-тиббий экспертиза текширувидан ўтказилган.
Хусусан, ҳолат юзасидан тегишли идораларга хизмат текширувлари тайинланган.