ИИВ Транспорт ва туризм объектларида хавфсизликни таъминлаш департаменти матбуот хизмати хабар беришича, «Санкт-Петербург – Тошкент» йўналишида парвоз қилаётган самолёт бортида йўловчи маст ҳолатда жамоат тартибини бузган ва ҳаво кемаси экипажи билан можаро уюштирган.
Маълум қилинишича, ҳаво кемаси бортида маст холда экипаж билан жанжаллашиб, жамоат тартибини бузган йўловчи фуқарога нисбатан Тошкент шаҳри аэропортларида ХТБ ҲПБ ходимлари томонидан Маъмурий жавобгарлик тўғрисидаги кодекснинг 183-моддаси бўйича ҳжжатлар расмийлаштирилган.
Натижада ушбу шахсга нисбатан 29 май куни Жиноят ишлари бўйича Тошкент шаҳар Сирғали суди томонидан 15 сутка маъмурий қамоқ жазоси тайинланди.